Subnavigation: Fracziuns
Ftan
Ün cordial bainvgnü a Ftan
Ftan es situà sün üna terrassa sulagliva da la vart schnestra da l'Engiadina Bassa. Plü bod gniva cultivà bler gran, il muglin istoric cun ün'età da 400 ons dà amo perdütta da quist fat. L'agricultura es amo adüna importanta, sper la mansteranza, l'hotellaria/gastronomia ed impustüt l'Institut Otalpin. Quel d'eira plü bod ün internat be per mattas, hoz è'l la scoula media per tuot la regiun, e l'internat es avert per mattas e mats.
Il nom Ftan
La derivanza dal nom nun es cuntschainta. Fuormas plü veglias d'eiran p.ex. Vetane, Vettanum oder Vettan. La versiun tudais-cha Fetan d'eira il nom ufficial fin dal 1943.
La vopna da l'anteriur cumün da Ftan
Descripziun: Cheu d'ün tor cun anè sün ün fuond alb, da tuottas duos varts üna staila cotschna cun 6 razs.
Motivaziun: Duri Champell (ca. 1510 fin ca. 1582), cronist da l'Engiadina Bassa, ha scrit cha'ls da Ftan sajan adüna pronts da's defender e chi vegnan nomnats perquai "ils muois da Ftan". Il motiv principal da la vopna as referischa a quist nom. Las stailas cotschnas dessan impedir cha la vopna vegna sbagliada cun quella dal chantun Uri.
Culuors cumünalas: nair-alb-cotschen.
Cifras e fats sur dad Ftan
-
Parts da la fracziun
- Ftan Grond
- Ftan Pitschen
- Baraigla
-
Surfatschas
Surfatscha totala 4'312 ha Terrain agricul 38.8% God e frus-chaglia 16.0% Terrain abità 1.35% Surfatschas improductivas 43.9% -
Otezzas sur mar
Cumün 1’648 m Punct il plü ot (Piz Blaisch Lunga) 3’230 m Punct il plü bass
(En, sboccadüra Aua da Corgnanca)1’200 m -
Populaziun
Abitants 495 Persunas cun dret da vuschar 372 -
Linguas
Rumantsch 62.8% Tudais-ch 34.1% Otras linguas 3.0% Las pertschientualas as referischan a la lingua principala. Tuot ils Rumantschs san duos o plüssas linguas.
-
Confessiuns
Evangelic-refuormà 60% Catolic-roman 11.9% Otras religiuns e persunas sainza confessiun 28.1% -
Economia publica
Persunas occupadas tenor sectuors 1. Agricultura e silvicultura 13.8% 2. Industria e mansteranza producenta 12.3% 3. Servezzans 73.8%