Navigieren in Scuol

Subnavigation: Fracziuns

Ardez

Ün cordial bainvgnü ad Ardez

Ardez es ün dals plü vegls cumüns in Engiadina Bassa. Truppas austriacas cul cumandant Baldirun til ha desdrüt dal 1622. La populaziun ha reconstrui lur cumün in basa a la fundamainta e'ls mürs chi d'eiran amo avant man. Ne forzas natüralas ne incendis til han devastà daspö quella jada. Ardez vala perquai sco cumün exemplaric pella cultura d'abitar in territori rumantsch.

L'insaina dad Ardez es la ruina dal chastè cullas restanzas da la chapella San Luzi. Ella s'elevescha sün ün grip a l'ur dal cumün chi spordscha üna bella vista.

Il nom Ardez

Il nom Ardez vain manzunà la prüma jada sco „fiskalische Taberne bei Ardezis“ aint in ün urbari dal 9avel tschientiner. La derivanza dal nom es intscherta. Davo cha'l chastè da Steinsberg d'eira gnü fabricha ha dovrà il cumün eir il nom Steinsberg, quai per tuot ils documaints scrits in lingua tudais-cha. Dal 1880 ha ordinà la regenza grischuna cha'l cumün as stopcha decider per ün o per tschel nom. La radunanza cumünala ha tschernü il nom Ardez, e quai unanimamaing.

La vopna da l'anteriur cumün d'Ardez

Descripziun: La vopna ha duos parts. La part sura muossa la mità d'ün capricorn, suotvart als vezza ün'uschèditta crusch cun pattas [Tatzenkreuz]. Quella tira adimmaint cha'l cumün d'Ardez faiva part plü bod a la Lia da la Chadè.

Motivaziun: La vopna es gnüda s-chaffida in basa ad ün sagè dal principi dal 19avel tschientiner cull'inscripziun SIGILLUM COMMUNITATIS ARDETIENSIS.

Culuors cumünalas: alb-nair

Cifras e fats sur dad Ardez

  • Parts da la fracziun

    • Ardez
    • Sur En
    • Bos-cha

  • Surfatschas

    Surfatscha totala 6'144 ha
    Terrain agricul 28.4%
    God e frus-chaglia 21.1%
    Terrain abità 0.78%
    Surfatschas improductivas 49.7%

  • Otezzas sur mar

    Cumün 1’467 m
    Punct il plü ot (Piz Plavna Dadaint) 3’166 m
    Punct il plü bass (En, sboccadüra dal Tasnan) 1’235 m

  • Populaziun

    Abitants 399
    Persunas cun dret da vuschar 302

  • Linguas

    Rumantsch 61.9%
    Tudais-ch 27.1%
    Otras linguas 11.0%

    Las pertschientualas as referischan a la lingua principala. Tuot ils Rumantschs san duos o plüssas linguas.

  • Confessiuns

    Evangelic-refuormà 62.9%
    Catolic-roman 29.6%
    Otras religiuns e persunas sainza confessiun 7.5%

  • Economia publica

    Persunas occupadas tenor sectuors
    1.  Agricultura e silvicultura 26.3%
    2. Industria e mansteranza producenta 36.1%
    3. Servezzans 37.6%