Subnavigation: Lavur cun giuvenils
Lavur cun giuvenils
Adressa
Chasa Cumünala
Lavur cun giuvenils
Bagnera 170
7550 Scuol
Manadra
Meret Wüest
Lavurainta sociala
078 254 00 83
m.wueest@scuol.net
Che es lavur cun giuvenils?
La lavur cun giuvenils es üna sporta gratuita dal cumün da Scuol, per tuot las scolaras e tuot ils scolars da la 5. fin la 9. classa. Oter co in üna società nu’s stoja tour part pro no regularmaing a las sportas. Tuot dess esser in möd spontan, da maniera natürala e simpel (per tschertas sportas esa però da s’annunzchar ouravant).
La lavur cun giuvenils lavura i’l e pel temp liber dals uffants e giuvenils. No dumandain als giuvenils: «che voust tü passantar dürant teis temp liber? / che t’occupa?» Ils giuvenils dessan avair pled in chapitel e concepir svess il program da la lavur cun giuvenils Scuol. No eschan adüna averts per ideas da progets o giavüschs ed ans impegnain pels bsögns dals giuvenils. Pro no as poja dumandar tuot, tscherchar plazzas da giarsunadi, far lezchas, retrar broschüras d’infuormaziun; lavuraintas e lavuraints da giuvenils han l’oblig da secretezza. Tü das-chast eir simplamaing «chillar» pro no i’l Jugi, inscuntrar tias amias o teis amis, at recrear dal minchadi: perche cha no eschan üna sort «cafè da giuvenils» sainza cafè, o üna disco da giuvenils sainza alcohol. Plaschair ed algrezcha dessan esser i’l center dal center per giuvenils. Sün nos placats dal mais (vair suotvart) vezzast tü adüna las sportas e progets curraints. Qua cha no lessan ragiundscher uschè blers giuvenils d’ün cumün sco pussibel eschna eir in viadi a pè illas fracziuns respectivas (lavur da giuvenils in visita).
Uras d'avertüra
Mardi fin venderdi: termin tenor cunvegna
Program dal mais