Subnavigation: Services
Adöver d'inviern da vias
Ordinaziun pro la ledscha da pulizia artichel 35a a reguard il servezzan e l’adöver d’inviern da las vias champestras e las vias da god
La suprastanza cumünala da Scuol decida in basa a l’art. 35a al. 2 LdP ed art. 8 al. 1 da la ledscha da las vias champestras e god:
Art. 1 – Servezzan d’inviern dadour la zona da fabrica, sendas d’inviern e pistas per schlisolar
I'l plan «adöver d’inviern vias champestras e da god» dal cumün da Scuol dals 11 december 2025 sun determinats ils adövers d’inviern da las differentas vias champestras e da god tenor las seguaintas culurs:
Verer plan d'adöver [6.4 MB]
Ordinaziun pro la ledscha da pulizia artichel 35a
 |
sendas d’inviern o pistas per schlisolar, cun restricziuns transiblas eir per veiculs a motor |
 |
sendas d’inviern o pistas per schlisolar, na transiblas per veiculs a motor |
 |
vias transiblas per veiculs (cun e sainza motor), però be in connex cullas gestiuns da gastronomia Sinestra, Val S-charl e San Jon |
 |
vias rumidas da la naiv e transiblas per veiculs a motor |
Per quellas vias dadour la zona da fabrica chi nu sun marcadas süls seguaints plans tenor alinea vala ün scumond da rumir tenor l’art. 35a al. 3 LdP.
Dadour la zona da fabrica succeda il servezzan d’inviern tenor las capacitats da rumir chi sun avantman subordinà al servezzan d’inviern illa zona da fabrica e nun es uschè adüna garanti.
Art. 2 – Entrada in vigur
Quist’ordinaziun aintra in vigur als 21 december 2025.
La suprastanza cumünala ha acceptà quist’ordinaziun als 15 december 2025.
In nom da la suprastanza cumünala:
Aita Zanetti, capo cumünal
Karin Stecher, chanzlista