Carta dal di da respargn Cumün

A partir dal 2024 po gnir cumprada la carta dal di da respargn dal cumün exclusvmaing pro l'administraziun cumünala.

I vaglian las seguaintas reglas:

vendita be a las abitantas / als abitants da Scuol
reservaziuns pon gnir fattas seguaintamaing:
- per e-mail abitants@scuol.net
- per telefon +41 81 861 27 10
- o al fanestrigl
las cartas da respargn sun persunalisadas cun nom, prenom e la data da naschentscha e nu pon gnir transportadas sün otras persunas.
las cartas da respargn ston gnir retrattas e pajadas infra 5 dis. Davo 5 dis vain la reservaziun stornada (il cumün nu po davo quel termin plü returnar las cartas da respargn).
cartas da respargn retrattas e pajadas nu pon plü gnir restituidas
cartas da respargn chi vegnan reservadas a cuorta vista (s-chalin da predsch 2) e nu vegnan dovradas, ston gnir stornadas infra 5 dis davo la reservaziun, però fin il plü tard 2 dis avant il viadi. Otramaing vegnan quellas missas in quint.

Classa e segmaint	S-chalin da predsch 1 cumün/cità disponibel fin maximal 10 dis avant il viadi (70 % dal contingent, predsch incl. TPV	S-chalin da predsch 2 cumün/cità disponibel fin maximal 1 di avant il viadi (30 % dal contingent, predsch incl. TPV)
2. classa ¹/₂	39.-	59.-
2. classa ¹/₁	52.-	88.-
1. classa ¹/₂	66.-	99.-
1. classa ¹/₁	88.-	148.-

Attenziun!
Las postaziuns vegnan elavuradas be dürant ils lavurdis fin a las 16:00.