Cumbat cunter vespras

Vespras toccan eir in Engiadina pro la stà – ed accumplischan üna lezcha importanta illa natüra. Ellas maglian insects nuschaivels sco muos-chas, muos-chins ed uzlanas e contribuischan uschè ad ün equiliber natüral. Perquai nu faja adüna dabsögn da cumbatter cunter.

In Engiadina s’inscuntra impustüt trais sorts da vespras:

• Vespra germanica (Vespula germanica) – suvent in lös ingio chi vain mangià ed in vicinanza d’umans. Lur gnieus as chatta pelplü in spazis vöds.
• Vespra vulgara (Vespula vulgaris) – fabricha gugent gnieus in spazis vöds sco in tettaglias e fouras illa terra.
• Vespra saxonia (Dolichovespula saxonica) – pelplü damain agressiva, ils gnieus as chatta suvent in lös protets our i’l liber.

Per regla esa dad intervgnir be scha’l gnieu es ün privel direct – per exaimpel in vicinanza da chasas d’abitar, da plazzas da giovar per uffants o da vias ferm frequentadas. In quists cas pudain no dals pumpiers Pisoc güdar e valütar professiunalmaing, schi fa dabsögn dad eliminar il gnieu.

Cumbat

Princip:
Scha pussibel spettar fin la fin da la stagiun, lura eliminar il gnieu.

Cumbat dals pumpiers:

• Desdrüer cun tössi da la nerva, eliminar ed allontanar il gnieu.
• Pudrar cun terra diatomee (substanza in fuorma da puolvra, chi vain prodütta surtuot our da crap fossil da diatomee). Las bes-chas ed il gnieu sechaintan infra 1 fin 2 eivnas.

Cuosts:
Pel servezzan dals pumpiers per cumbatter las vespras vain miss in quint almain 300 francs. Lavurs chi chaschunan cuosts plü ots (p.ex. l’adöver da l’autos-chala) vegnan miss in quint tenor ils cuosts effectivs.

Respunsabel pel sectur cumbat cunter vespras:

Chap. Andreas Kunz
vicecumandant Pumpiers Pisoc
079 860 35 25