Inscunter turissem

Data: venderdi, 29 mai 2026
Urari: 14:00 – 17:00, in seguit aperitiv
Lö: local da cultura Bogn Engiadina, Scuol

Il post da coordinaziun turistica dal cumün da Scuol invida cordialmaing a tuot las persunas chi offrischan prestaziuns turisticas e chi contribuischan activmaing a la sporta turistica da Scuol al prüm inscunter da rait. Quist barat as drizza impustüt a portaders e portadras da prestaziuns il sectur activitats d’aventüra ed experienzas e cumpiglia infrastructura, events etc. Profitai da l'occasiun per as barattar cun oters, per imprender ün da tschel e per s-chaffir nouvas collavuraziuns.

Program

Referat d'impuls

«Destinaziun da wellness daspö 1369» – las funtanas d`aua minerala caracteriseschan l'origin dal turissem in Engiadina Bassa, la Büvetta sta sco juvel da quel temp. Martina Melcher, presidenta da la Pro Büvetta Tarasp, fa l'arch vers l'avegnir e muossa co chi's po fuormar insembel l'ulteriur svilup.

Workshops

Insembel trattain nus duos temas concrets in möd plü approfundi e sviluppain ideas per sviluppar inavant nossa sporta.

• Gurlaina Pumptrack / Plazza da giovar
• Promoziun d'events dal cumün da Scuol

Annunzcha

Per plaschair s'annunzchar fin als 25 mai 2026 cul formular online:

Contact coordinaziun dal turissem

Margreet Groot m.groot@scuol.net 
Dillon Rätz d.rätz@scuol.net