Secretariat

Il secretariat es üna part da la chanzlia cumünala.

In seguit preschantaina il singuls chomps da lavur.

Administraziun generala

Quist chomp da lavur es fich grond e varià. Ün pêr exaimpels: cumbinar termins per sezzüdas, scriver invids, reservar localitats, organisar aperitivs. Il secretariat prepara eir la spediziun collectiva p. ex. dal material da vuschar. El maina plünavant üna glista da las societats in cumün ed es respunsabel pellas contribuziuns cha quellas survegnan per lur activitats (survaglianza, examinaziun da las dumondas).

Uffizi social

Eir quist sectur cumpiglia bleras differentas lavurs. El s'occupa tanter oter cul agüd social e'ls alimaints antecipats, cumprais l'inchasch resp. las restituziuns.

Giarsuns

Üna persuna dal secretariat es respunsabla pels giarsuns da commerzi. Ella organisescha ils dis d'insaj, publichescha las plazzas avertas e fa tuot las lavurs in connex culla tscherna d'ün nouv giarsun. Ella accumpogna ils giuvenils dürant tuot il giarsunadi.

Permiss d'ustaria

Il secretariat fa tuot ils sclerimaints necessaris, examinescha la documainta inoltrada e fa üna proposta per mans da la direcziun. El scriva davo eir il permiss. Quai vala per ustarias stablas sco eir per ustarias occasiunalas (ustarias da festa).

Sgüranzas

Il secretariat es respunsabel per tuot las sgüranzas da chosas e da respunsabiltà dal cumün. El maina ün inventar da tuot ils ogets sgürats ed ha la survista da las polissas. Schi capita ün don fa'l tuot ils pass necessaris fin cha'l cas es reglà.

Pro'l secretariat sun occupadas 2 persunas cun ün pensum total da 180 %. Ils giarsuns da commerzi passaintan 6 mais da lur terz on pro'l secretariat. Dürant quist temp es respunsabel il secretariat pella scolaziun pratica.

Scuol, 2020