Subnavigation: Actual
Infuormaziun davart l'aua da baiver – Vulpera / Tarasp
Ün ferm temporal ha chaschunà cha l’aua da baiver illa fracziun da Tarasp es actualmaing tuorbla causa il cuntgnü augmantà da sablun finischem. L'aua nu correspuonda perquai pel mumaint a las pretaisas per l’aua da baiver.
Pel mumaint nu das-cha l'aua da la rait gnir dovrada per baiver, cuschinar o per preparar mangiativas. Medemmamaing nu dess’la gnir dovrada per lavar salata sco eir per pulir ogets chi vegnan in contact cun mangiativas.
Sco alternativa sta a disposiziun a la populaziun a partir da venderdi, ils 18 settember 2026, a partir da las 15:00 aua da baiver pro’ls seguaints lös:
Vulpera
Il bügl cun aua currainta da qualità controllada as rechatta vidvart la marangunaria Hugentobler Sent/Vulpera ScRL, 7552 Vulpera (pro la cruschada avant sco ir giò vers Gurlaina).
Fontana
Cisterna pro la chasa da scoula, Fontana 10, 7553 Tarasp dürant ils uraris 8:00-10:00 e 16:00-18:00.
Il cumün lavura landervia a schoglier plü svelt pussibel la situaziun per garantir darcheu il provedimaint d'aua da baiver sainza restricziuns. Fin a l'aboliziun da quist'infuormaziun giavüschaina a la populaziun da dovrar per scopos da baiver e da mangiativas l'aua missa a disposiziun als lös alternativs.
No ingrazchain per l'incletta.
Ulteriuras infuormaziuns
Provedimaint d’aua Scuol
Johannes Studer
Manader provedimaint d’aua
Infuormaziun davart da l'aua da baiver