Scumond absolut da far fö

Causa la gronda süttina regna in tuot il chantun Grischun grond privel da fö. Il chantun ed il cumün han relaschà scumonds da far fö. Per tuot il territori dal cumün da Scuol vala a partir da subit il seguaint:

• Scumond absolut da far fö sün tuot il territori da Scuol
• Il scumond vala eir per tuot las zonas d’abitar
• I nu da-scha gnir fat adöver da föclers, grils da laina e da charbun
• Grils cun gas e grils electrics sun admiss, quai cun gronda precauziun
• Fös da 1. avuost sun admiss be sur 2350 m.s.m., quai cun gronda precauziun
• Il scumond absolut vala eir per tuottas sorts fös artificials sco p.ex. raketas, zurplins bengals, chandailas magicas etc.

Il cumün appellescha a tuot la populaziun ed a giasts da resguardar strictamaing ils scumonds surmanzunats ed ingrazcha per l’incletta.

Possessurs/as d’abitaziuns da vacanzas, pensiuns ed hotels vegnan giavüschats dad infuormar a lur giasts. Grazcha fich!

Carta  da privels d'incendis da god