Vischnanca da Scuol

Meglieraziun generala da Ftan, indriz da sauar
Exposiziun publica da las midadas dal project d’exposiziun

Sa basond sin l'art. 38 da la Lescha da megliuraziun dal chantun Grischun (LMG; DG 915.100) e sin l’art. 97 da la Lescha federala davart l'agricultura (LAgr; CS 910.1) vegnan exponidas publicamain las sequentas actas.

Acts da l'exposiziun:

plan da survista 1:5000 [5.1 MB]
rapport tecnic [1.1 MB]

Inventaris federals pertutgads:
nagins

Lieu da l'exposiziun:
chasa da scola a Ftan
Ultra da quai pon las actas d’exposiziun vegnir consultadas sin la pagina d'internet da la vischnanca da Scuol sut www.scuol.net.

Durada da l'exposiziun:
da venderdi, ils 6 da favrer, fin glindesdi, ils 9 da mars 2026, mintgamai glindesdi, mardi, gievgia e venderdi da las 14.00 fin las 16.00 uras

Infurmaziuns:
Il president da la Societad da meglieraziun Ftan, Cla Denoth (081 864 16 09 / 078 813 79 45) sco era l'inschigner responsabel, Stefan Darnuzer (081 415 31 00) stattan a disposiziun al telefon durant las uras usitadas da biro per dar infurmaziuns.

Legitimaziun da far protesta:
Il dretg da far protesta ha quel ch'è pertutgà dals acts d'exposiziun e po far valair in interess degn da protecziun per l'annullaziun u la midada da quests acts, sco er la vischnanca pertutgada e las organisaziuns naziunalas per la protecziun da l'ambient, uschè lunsch ed uschenavant ch'ellas han er il dretg da far in recurs al Tribunal federal.

Protestas:
Las protestas cunter ils acts d'exposiziun èn d'inoltrar en scrit fin il pli tard glindesdi, ils 9 da mars 2026 (bul da posta) al Departament d'economia publica e fatgs socials, Ringstrasse 10, 7001 Cuira.
 

Uffizi d'agricultura e da geoinfurmaziun
Daniel Buschauer