Subnavigation: Lavur cun giuvenils
Lavur cun giuvenils
Adressa
Cumün da Scuol
Lavur cun giuvenils
Stradun 328a (Center Alpin)
7550 Scuol
Telefon 078 254 00 83
Uras d'avertüra
Collavuraturas
Meret Wüest
Assistenta da giuvenils
Telefon 078 254 00 83
e-mail
Imke Margraf
Agüdonta
Bigna Müller
Agüdonta
Lavur cun giuvenils - che es quai?
La lavur cun giuvenils Scuol ha trais böts principals:
- Ella metta a disposiziun ün local als giuvenils ingiò chi pon simplamaing s’inscuntrar.
- Ella sustegna als giuvenils cun lur ideas per progets e güda a tils realisar
- Ella voul cha la giuventüna i’l cumün da Scuol gnia udida e ch’ella güda activmaing a fuormar il cumün.
Tuot las scolaras / ils scolars da la 5avala fin la 9avla classa dal cumün da Scuol sun cordialmaing invidats da’s partecipar a las sportas o, amo meglder, da realisar agens progets. Imaginabels/imaginablas füssan ün kino o üna bar per giuvenils, ün parc da skate, locals per bands cuors da dj e bler oter plü. Ils giuvenils dessan passantar quia lur temp liber cun blera vöglia e plaschair e fuormar insembel l’inscunter per giuvenils. AI cuntrari dad otras societats esa gratuit da gnir pro no ed i nu vain neir spettà ingüna üna partecipaziun regulara. Meret ha üna bun’udientscha pels giuvenils e suottastà a l’oblig da discreziun (termins per discuors in büro pon adüna gnir fixats). Culla lavur cun giuvenlis mobila (cun esser in viadi aint ils cumüns) vegnan ragiunts eir a quels giuvenils chi nu vöglian gnir aint l’inscunter per giuvenils.
Ulteriuras incumbenzas da la lavur cun giuvenils sun:
- La colliaziun cun la lavur sociala da la scoula, las scoulas, la pulizia, ils/las vaschin(a)s, la baselgia, las societats, oters posts da lavur cun giuvenils ed oters partenaris dal la rait sociala sun per no d’importanza centrala per pudair agir professiunal o per lantschar progets cumünaivels.
- Metter a disposiziun material d’infuormaziun a reguard temas relevantas per giuvenils ( mobbing, jobs per guadagnar raps da scharsella, drogas, sexualità, tabac, violenza, telefonin eui.)
- No ans ingaschain per ün’occupaziun da temp liber sana e radschunaivla ed ans guardain eir cha’ls drets dals uffants gnian resguardats cha la protecziun da la giuventüna (età da protecziun d’alcohol) gnia realisada correctamaing.
La lavur cun giuvenils es necessaria, i’s douvra ad inchün chi s’ingascha pels bsögns da la giuventüna in cumün.
In november 2023 ha gnü lö ün cuors da chüra d'uffants da la Crusch Cotschna Svizra. Divers giuvenils as han partecipats. Tscherch'Ella/El inchün chi perchüra Seis uffant? Per plaschair s'annunzchar cul link suotvart: