Las abitantas e’ls abitants dal cumün da Scuol chi’d han accumpli o accumplischan quist on lur 18 avel anniversari, han eir quist on surgni l’invid a la festa
da las giuvnas burgaisas ed ils giuvens burgais. Cun quist act festiv vegnan ellas/els integradas/integrats sco burgaisas majorennas e burgais majorens
illa cumünanza da nos cumün. Insembel cul capo e la suprastanza es sonda passada gnü implantà ün bös-ch i’l parc dals Bogns a Scuol. Ultra da quai han
las giuvnas burgaisas ed ils giuvens burgais surgni üna cuort’infuormaziun davart nos cumün (structruas politicas, dret da vuschar e.o.pl.).

Cun üna flotta cumpagnia, üna buna pizza ed ün «viva» sün lur avegnir e sün nos cumün es la festina ida afin.

24 avrigl 2024