Inscunter 2026

Inscunter cullas giuvnas e’ls giuvens burgais

Las abitantas e’ls abitants dal cumün da Scuol chi han accumpli o accumplischan quist on lur 18avel anniversari, han eir quist on surgni l’invid a la festa da las giuvnas burgaisas e’ls giuvens burgais. Cun quist act festiv vegnan ellas/els integradas/integrats sco burgaisas majorennas e burgais majorens illa cumünanza da nos cumün.

Insembel cul capo e la suprastanza cumünala es sonda, ils 16 mai 2026, gnü implantà ün bös-ch ad Ardez. In fuorma d’üna surpraisa han las giuvnas ed ils giuvens burgais pudü visitar la «Tuor Vonzun» ad Ardez. Ultra da quai han ellas ed els surgni üna cuort’infuormaziun davart nos cumün (structruas politicas, dret da vuschar e.o.pl.).

Cun üna flotta cumpagnia, ün bun giantar ed ün «viva» sün lur avegnir e sün nos cumün es la festina ida afin.