Collavuratura / collavuratur pel provedimaint d'aua
No tscherchain
üna collavuratura / ün collavuratur pel provedimaint d'aua (100 %)
Il provedimaint d’aua dal cumün da Scuol cumpiglia tanter oter 34 funtanas inchaschadas, 25 reservuars, 245 idrants e 112 bügls publics. Ils condots han üna lunghezza cumplessiva da ca. 110 km.
Incumbenzas
- survagliar e mantgnair ils inchaschamaints da las funtanas, ils reservuars, ils bügls e la rait da l’aua da baiver, etc.
- lavurs generalas vi dals implants dal provedimaint d’aua, d’aua forta e sauaziuns
- pussibiltar üna gestiun dals implants in basa a las directivas e prescripziuns da qualità
- documentaziun digitala da las lavurs da controlla e da mantegnimaint fattas
No spettain
- üna scolaziun finida d’installatur(a) sanitari(a), da s-chodamaints, d’installaziuns electricas o üna scolaziun equivalenta cun attest da qualificaziun federal
- prontezza da far scolaziuns i’l sectur d’aua da baiver
- permiss dad ir cul auto categoria B
- abiltà da lavurar independentamaing e conscienziusamaing, fideltà e plaschair da lavurar in üna squadra
- flexibiltà a reguard il temp da lavur e prontezza da prestar servezzans da piket
- cugnuschentschas da la lingua rumantscha a bocca ed in scrit sun d’avantag
No spordschain
- üna lavur independenta e variada cun respunsabiltà, ün salari correspundent e bunas prestaziuns socialas
- pussibiltà da scolaziuns da perfecziunamaint
- üna regiun cun ota qualità da viver
Entrada in plazza
1. december 2026 o tenor cunvegna
Infuormaziuns
per quista plazza dà Chasper Alexander Felix, manader da las gestiuns tecnicas (081 861 27 22)
Annunzcha
No’ns allegrain da surgnir Si’annunzcha culla solita documainta fin il plü tard als 29 avuost 2026.
Adressa: Administraziun cumünala, per mans da la direcziun, Bagnera 170, 7550 Scuol o per e-mail: actuariat@scuol.net
o directamaing cul formular suotvart