25 avel «Nationalpark Bike-Marathon» als 29 avuost 2026
Gugent lain no infuormar sur da las serradas da vias a Scuol a reguard il «Nationalpark Bike Marathon».
Stimadas damas, stimats signurs
Gugent lain no infuormar sur da las serradas da vias a Scuol a reguard il «Nationalpark Bike Marathon».
- Quist on vain la partenza dalla stricha Vallader realisada per la prüma jada directamaing a Gurlaina.
- L'entrada dal böt ha lö darcheu, sco l'on passà, a Gurlaina.
- ll Stradun, dal Coop fin al spartavias Pütvia, resta avert quist on. L'access es però be pussibel sur l'entrada Scuol Ost.
Seguaintas serradas da vias sun necessarias in sonda, 29 avuost 2026 da las 09:00 fin las 18:00:
- Via da la Staziun, da la rondella fin pro la Lischana Garage.
- Via da Brentsch (l’access fin pro Cantieni Motors es pussibel sur la via chantunala veglia).
- Via da Rachögna, Via da Trü, Via da Buorcha, Chantröven, Funtanatscha, Bügl Grond, Schombrina Sot, Plaz, Punt e Chant da Gurlaina.
- Via da Ftan (accessibel be pel auto da posta).
Bus da Scuol Sot ferma pro las seguaintas fermativas:
Manaröl, Serras, Runà, Pütvia, Bogn Engiadina, Hotel Belvedere e pro la Posta.
Cuors regiunals da l’auto da posta davent e da retuorn a Scuol van tenor urari normal, tuot las fermativas dal bus vegnan servidas.
Las plazzas da parcar Chantröven e Punt nu sun ragiundschiblas dürant tuot il di ed i nun es pussibel da manar davent veiculs.
Ils veiculs chi vegnan dovrats lung ils tragets manzunats ston tuots gnir spostats
fin il plü tard in sonda bunura, 29 avuost 2026 a las 08:00.
No ingrazchain fich per Lur incletta ed ans allegrain sün ün «Nationalpark Bike-Marathon 2026» plain success.