Publicaziun dal permiss da fabrica cun examinaziun ecologica (EE)
Als 18 avuost 2026 ha l’instanza da fabrica dal cumün da Scuol approvà la dumonda da fabrica da las Pendicularas SA per l’implant d’innaiver «Champatsch» (ingrondimaint).
Implant d’innaiver «Champatsch» (ingrondimaint)
Dumonda da fabrica no. 2026-0091
Als 18 avuost 2026 ha l’instanza da fabrica dal cumün da Scuol approvà la dumonda da fabrica da las Pendicularas SA per l’implant d’innaiver « Champatsch » (ingrondimaint).
Il permiss da fabrica dal cumün, il permiss EOZ da l'Uffizi pel svilup dal territori, il rapport davart la cumpatibiltà ecologica dals 6 favrer 2026 ed il rapport da valütaziun tenor art. 8 OCEE da l'Uffizi per la natüra e l'ambiaint dals 22 gün 2026 sun exposts per tour invista i’l uffizi da fabrica a partir da la data da publicaziun dürant 30 dis.
Publicaziun tenor art. 20 OEE.
1. Patrun da fabrica e büro da progetaziun
- Patrun da fabrica: Pendicularas Scuol SA, Via da Ftan 495, 7550 Scuol
- Büro da progetaziun: Caprez Indschegners SA, Buorna 519C, 7550 Scuol
2. Proget da fabrica e lö dal proget
- Proget da fabrica: Implant d’innaiver «Champatsch» (ingrondimaint)
- Parcella: no. 3497
- Fracziun / lö: Scuol, Champatsch
- Gener da la procedura: Procedura EOZ cun examinaziun ecologica (EE)
3. Documainta d’exposiziun
La seguainta documainta es exposta per tour invista dürant il temp d’exposiziun:
- Permiss da fabrica dal cumün dals 18.08.2026
- Permiss EOZ no. 2026-0469 da l'Uffizi pel svilup dal territori Grischun dals 12.08.2026
- Rapport davart la cumpatibiltà ecologica (RCE) dals 06.02.2026
- Rapport da valütaziun da l’Uffizi per la natüra e ambiaint Grischun (UNA) dals 22.06.2026
La publicaziun e l’invista han lö tenor las prescripziuns dal permiss EOZ e tenor art. 20 OEE.
La reglamentaziun chantunala pretenda la pussibiltà d’invista dürant 30 dis.
4. Temp e lö d’exposiziun
La documainta es exposta per l’invista publica dürant 30 dis a partir da la data da publicaziun.
Temp d’exposiziun: 27 avuost 2026 fin als 26 settember 2026
Lö d’exposiziun: Uffizi da fabrica, Bagnera 171, 7550 Scuol
5. Mez legal
Cunter il permiss da fabrica po gnir fat recuors in scrit pro’l Güdisch superiur dal Chantun Grischun infra 30 dis daspö la publicaziun decisiva.
Il recuors ha da cuntgnair üna proposta ed üna motivaziun. La decisiun contestada sco eir las cumprouvas sun d’agiundscher.
Cumün da Scuol
La direcziun