Ardez e Ftan: serrada da via Ardez - Ftan_Varansuns - Prà da Punt (Tasnan)

Comunicaziun da l’uffizi da construcziun bassa dal Grischun

725.35 Via da Ftan
Sviamaint via Scuol

Pervi da lavurs da catram vi da la via da Ftan esa previs da serrar la via tanter Ardez e Ftan per tuot il trafic motorisà. Dürant las fin d'eivnas, es la via averta pel trafic da transit.

L’access illa Val Tasna es adüna garanti davent da Ftan (pais max. admiss 32t).
L’ac­cess illa Val Tasna davent d’Ardez (pais max. admiss 13t) es garanti be dürant las fin d’eivnas.
Peduns e velociclists pon passar la fabrica.  

Perquai es serrada la via da Ftan sül traget Ardez – Ftan tanter

Varansuns e Prà da Punt (Tasnan) a partir da lündeschdi, 10 avuost 2026 fin venderdi, 14 avuost 2026 a las 18:00 per tuot il trafic motorisà.

L’access illa Val Tasna davent dad Ardez vain pussibiltà per cultivar la prada dü­rant ils mais da stà in coordinaziun culla direcziun da fabrica locala.

Per transports da laina our ed aint illa Val Tasna davent da Ftan es l’access adüna ga­ran­ti. In quist cas nu faja dabsögn dad annunzchar quels ouravant a la direc­ziun da fabrica locala.