Publicaziun da las nouvas pauschalas annualas da taxas da giasts
La suprastanza cumünala ha decis d'augmantar las taxas da giasts in fuorma d'üna pauschala annuala.
La suprastanza cumünala ha decis als 13 october 2025, in basa a l'art. 8 al. 3 in cumbinaziun cun l'art. 17 al. 2 e l'art. 32 da la ledscha da taxas da giasts e turissem, d'augmantar las taxas da giasts in fuorma d'üna pauschala annuala e d'adattar l'art. 6 da las disposiziuns executivas a la ledscha da taxas da giasts e turissem („Taxas da giasts in fuorma d'üna pauschala annuala") sco segua:
Art. 6 Taxas da giasts in fuorma d'üna pauschala annuala
La pauschala annuala da taxas da giasts importa sün tuot il territori cumünal per on (CHF)
| – per abitaziuns dad 1 fin 1½ stanzas e rulottas | 330.00 |
| – per abitaziuns da 2 fin 2½ stanzas | 500.00 |
| – per abitaziuns da 3 fin 3½ stanzas | 670.00 |
| – per abitaziuns da 4 fin 4½ stanzas | 840.00 |
| – per abitaziuns da 5 e daplü stanzas | 1000.00 |
L'entrada in vigur dal müdamaint decis succeda süls 1. schner 2027.
La suprastanza cumünala
Scuol, 25 gün 2026