Comunicaziun decisiun d'approvaziun planisaziun locala, revisiun parziala Hotel Paradis (Ftan)
La Regenza dal chantun Grischun ha approvà als 2 gün 2026 cun decisiun no. 386 in applicaziun da l'art. 49 da la ledscha chantunala davart la planisaziun dal territori (LPT) la revisiun parziala «Hotel Paradis (Ftan)» decisa da la populaziun votanta als 30 november 2025 cun las seguaintas resalvas e cundiziuns:
Actas d'exposiziun:
- Revisiun parziala da la ledscha da fabrica da l’anteriur cumün da Ftan (art. 28 zona da l’hotel)
- Plan da zonas 1:500 Hotel Paradis
- Plan general da fuormaziun 1:500 Hotel Paradis
- Plan general d'avertüra 1:500 Hotel Paradis
Resalvas e pretaisas:
- La surfatscha d'inzonaziun sülla parcella nr. 53038 es suottamissa a l'oblig da pajar la taxa da plüvalur tenor art. 19i ss. KRG. Il cumün vain incumbenzà da taxar la taxa da plüvalur invers ils proprietaris dal terrain subit davo cha la revisiun parziala ha surgni vigur legala e da notar pro l'uffizi fundiari l'oblig da pajar la taxa da plüvalur sco eir da laschar inscriver il dret da pegn legal. Plünavant vain il cumün incumbenzà da metter in quint e da trar aint la taxa da plüvalur al mumaint da scadenza sco eir d'annunzchar la facturaziun a l'uffizi pel svilup dal territori.
- Il cumün vain istrui da laschar notar l'oblig da fabrica pro l'uffizi fundiari subit davo la vigur legala da la revisiun parziala per las zonas da fabrica indichadas i'l plan da zonas cun ün oblig da fabrica.
- Per las parts da terrain indichadas i'l plan da zonas vala tenor art. 28 al. 13 ledscha da fabrica ün termin temporal per cumanzar a fabrichar. Il cumün vain incumbenzà da laschar notar la limitaziun pro'l register fundiari subit davo la vigur legala da la revisiun parziala.
- Il cumün vain incumbenzà da consultar la chüra da monumaints pro la progettaziun da progets da fabrica vi da la via dal Paradies e da dumandar lur acconsentimaint.
Ils mezs da planisaziun approvats e la decisiun cumpletta da la Regenza sun exposts pro l’Uffizi da fabrica, Bagnera 171, 7550 Scuol e pon gnir consultats. Cunter las ordinaziuns e las indicaziuns cuntgnüdas in quella po gnir fat recuors infra 30 dis a partir da la data da publicaziun in basa a l'art. 102 al. 1 LDA e tenor la ledscha chantunala davart la giurisdicziun administrativa (LGA) pro'l tribunal superiur dal Grischun, Grabenstrasse 30, 7001 Cuoira.
Scuol, 16 gün 2026
a suprastanza cumünala