Diese Informationen und Protokolle gibt es nur in romanischer Sprache. Die Gemeindekanzlei gibt gerne Auskunft.

 

Dieta dals 6 e 7 marz 2026 a Chastè

Als 6 e 7 marz 2026 ha gnü lö la dieta culla suprastanza cumünala e la direcziun a Chaste. Illa dieta esa gnü lavurà e discus davart ils temas finanzas cumünalas, structuras ed organisaziun sco eir guardà süls temas da l’on passà. Implü ha al cumanzamaint da la dieta preschantà il schef da finanzas dad ün oter cumün cifras ed infuormaziuns da lur cumün. I’s tratta eir dad ün cumün turisitc. L’idea d’eira da surgnir infuormaziuns per tillas congualar lura cul cumün da Scuol.
 

Inscunter culs giuvens burgais e culs nouvs abitants 2026

La suprastanza cumünala ha decis cha l’inscunter culs giuvens burgais haja lö quist on als 16 mai 2026 illa fracziun d’Ardez. I vain implantà ün bös-ch culs giuvens burgais ed in seguit vain fat üna grillada. L’inscunter culs nouvs abitants ha lö ingon a Scuol e quai als 20 gün 2026. I vain fatta üna spassegiada culs nouvs abitants ed in seguit vain sport ün apereitiv.
 

Radunanza dal cumün da vaschins

La radunanza dal cumün da vaschins ha gnü lö in lündeschdi, ils 13 avrigl 2026.
 

Permiss da fabrica gnüts concess da la direcziun

La direcziun resp. la suprastanza han concess ils seguaints permiss da fabrica:

• Gredig Bernhard, sanaziun dal tet cun implant fotovoltaic, renovaziun ed ingrondimaint da la chasa d’abitar, nouv local per vélos cun installaziun fotovoltaica vi da la fatschada, parcella 1877, Liuns 716, Scuol
• Frick Christine e Jürg, nouv schodamaint cun sondas geotermicas, nouva veranda e müdamaint da la s-chala d’üert, parcella 10254, Sent

 

Scuol, 22 avrigl 2026
La suprastanza cumünala

Riassunt dal protocol