Bainvgnü

Ün cordial bainvgnü a Sent

Stabilimaints cun ün'architectura classicistica (Palazzi) dan a Sent üna taimpra tuot speciala. Blers Sentiners han vivü plü bod in Italia e vaivan sucess impustüt sco pastiziers. A chasa hana lura fabrichà lur residenza. Las culmainas cun stil baroc invezza han portà mansterans tirolais in Engiadina Bassa. Ellas existan bod be a Sent ed han nom perquai "culmainas da Sent".

Ils da Sent nu chüran però be lur ierta istorica, els sun eir innovativs. Il label "cità d'energia" dà perdütta da quai.

A Sent daja ourdvart bleras societats fich activas ed üna sporta culturala multifaria. La populaziun s'indentifichescha fermamaing culla lingua rumantscha e's dà gronda fadia dad integrar linguisticamaing ils nouvs abitants sco eir ils giasts.