Geografia

In general

Luftbild von Scuol Taisch Il territori dal cumün da Scuol s'extenda sur 14'414 ha. Il cumün da Scuol cunfinescha vers nord ed ost cul cumün da Sent, vers süd-ost cull'Italia (Tirol dal Süd), vers süd cul cumün da Val Müstair e vers vest cun Ftan e Tarasp.

Il punct il plü vers nord es il Piz Nair, quel il plü vers ost la Punta Vedretta in vicinanza da la Fuorcla Sesvenna. Il punct il plü vers süd es il Pass da Costainas, quel il plü vers vest il Piz Minschun.

Il Piz Sesvenna cun 3'204 m s.m. es il punct il plü ot, il punct il plü bass es Pradella Sot cun 1136 m s.m.

Üna particularità geologica

Winterpanorama von TaischScuol as rechatta immez la uschèditta fanestra geologica da l'Engiadina Bassa. Tanter Guarda e Prutz (Tirol) s'ha sviluppada l'erosiun uschè ferm cha'l plattai grischun (Bündnerschiefer), zuoglià oriundamaing da cuvertas cristallinas e dolomiticas, es gnü visibel. Da quista vetta porusa sortan numerusas funtanas mineralas d'ota qualità. Grazcha a quistas funtanas s'ha sviluppà il turissem da bogns a Scuol e Tarasp illa seguonda mità dal 19avel tschientiner.