Carta VFF/SBB
Cartas dal di pel trafic public
Il cumün da Scuol spordscha a la populaziun da Scuol duos abunamaints generals impersunals (carta dal di dal cumün) per la 2a classa. El promouva cun quai activmaing il trafic public. Culla carta dal di esa pussibel da viagiar libramaing sün ün traget da sur 18'000 km (viafier federala, auto da posta, la gronda part da las viasfier privatas e gestiuns da bus da citats sco eir bleras gestiuns da barchas.
Predsch
Üna carta dal di cuosta CHF 35.00. Il predsch es da pajar pro la retratta al fanestrigl.
Reservaziun
No pigliain incunter reservaziuns il plü bod 6 mais ouravant (excepziun: abitants d'oters cumüns, vair suotvart). La reservaziun es pussibla al fanestrigl, per telefon (081 864 71 60) obain per internet (www.scuol.net).
Cartas reservadas ston gnir retrattas e pajadas. Ün barat o üna restituziun dal predsch da cumprita es exclus. Chi chi'd ha cumprà üna carta e tilla nu douvra po laschar inavo pro'l cumün seis nom e seis numer da telefon. No dain inavant quistas infuormaziuns a persunas chi lessan cumprar la carta culla data correspundenta.
Las cartas dal di stan a disposiziun principalmaing als abitants dal cumün da Scuol. Cartas chi sun amo libras duos eivans ouravant vendaina eir ad abitants dad oters cumüns.