Scoulas cumünalas


Aint il cumün da Scuol daja quatter lös cun scoulinas (Ardez, Ftan, Scuol, Sent), 5 scoulas primaras (Ardez, Ftan, Scuol, Sent e Tarasp) e 2 lös cun ün s-chalin ot (Scuol e Sent). Il lö da scoula dals singuls scolars es defini tenor la fracziun ingio chi stan.

Fin in 6avla classa es la lingua d’instrucziun il rumantsch, a partir da la 1a classa dal s-chalin ot vain instrui in rumantsch e tudais-ch. In 3a classa cumainza l’instrucziun da la prüma lingua estra (tudais-ch), ed in 5avla classa vegnan ils scolars in contact la prüma jada cul inglais.

Scolaras e scolars chi vegnan a star in üna da las fracziuns da Scuol survegnan per regla dürant duos ons instrucziun da la lingua rumantscha.

Infuormaziuns detagliadas ed actualas as chatta sülla pagina d’internet da la scoula populara da Scuol. Quista pagina es rumantscha (lingua ufficiala dal cumün da Scuol). Ils manaders da scoula dan gugent ulteriuras infuormaziuns. Lur nomers da telefon ed adressas dad e-mail as rechattan eir sülla pagina d'internet.

www.scoula-scuol.ch