Marcas da chans

Mincha chan sto gnir annunzchà dal possessur pro la pulizia cumünala. L'oblig d'annunzchar cumainza subit ch'ün chan ha l'età da 4 mais. L'annunzcha sto succeder minch'on fin als 31 schner. Sch'ün chan müda possessur es oblià il nouv possessur da s'annunzchar infra 15 dis (art. 33 al. 1 da la ledscha da pulizia cumünala).

La taxa annuala per mincha 1. chan cuosta CHF 100.00

Per mincha ulteriur chan chi abita illa listessa chasada es la taxa annuala CHF 200.00

Chans da lavinas, da pulizia e chans d'assistenza cun attest sun deliberats da quella taxa.

Microchip per chans

Daspö ils 1. lügl 2005 ston tuot ils chans in Grischun gnir marcats cun ün microchip e registrats pro la banca da datas centrala ANIS (Animal Identity Service AG), e quai il plü tard trais mais davo chi sun nats.
Davo la registraziun sun tuot ils servezzans da l'ANIS gratuits dürant l'intera vita da la bes-cha. L'ANIS es ragiundschibla da tuottas uras, 365 dis l'on e 24 uras al di per telefon (031 371 35 30) o tras l'internet (www.amicus.ch). Müdamaints d'adressa, da nom, da possessur etc. ston gnir annunzchats directamaing e subit a l'ANIS, cun indichar il numer da registraziun.

Links: