Proceder pel permiss da fabrica

Nos uffizi da fabrica cussaglia jent persunalmaing o per telefon davart il proceder pel permiss da fabrica o dumondas giuridicas in connex cun fabricats. La ledscha da fabrica e'l plan da zonas sun da chattar pro'l fanestrigl electronic.

Per progets da fabrica chi suottastan a l'oblig da permiss da fabrica es d'inoltrar pro l'administraziun da fabrica üna dumonda. Formulars per dumondas da fabrica pon gnir retrats pro l'uffizi da fabrica o chargiats giò pro'l fanestrigl electronic.

Pro progets plü gronds arcumandaina al patrun da fabrica da gnir in contact adura cul uffizi da fabrica. No controllain las dumondas inoltradas materialmaing e fuormalmaing. Documainta chi manca es da furnir davopro. La dumonda vain publichada illa Posta Ladina, illa chaista naira e sülla homepage dal cumün ed exposta dürant 20 dis. Dürant quist temp pon las persunas legitimadas far recuors.

Autoritats da fabrica

Autoritats da fabrica sun la direcziun dal cumün (capo cumünal, chanzlist e manader da l'uffizi da fabrica) sco eir il cussagl cumünal.

Cumischiun da fabrica

Marcus Wetzel, president e commember dal cussagl cumünal
Claudio Bulfoni
Ludwig Friedt
Arno Ritzmann
Edgar Stocker
La cumischiun da fabrica as raduna per regla mincha 15 dis.