Sustegn social public

Princip

La constituziun svizra garantischa a tuot las persunas / famiglias in Svizra agüd finanzial e cussagliaziun in situaziuns d'urgenza. Respunsabel per conceder l'agüd finanzial es il lö da domicil.

La dimensiun dal sustegn finanzial (agüd social) as drizza tenor las normas dal chantun Grischun chi's basan sün quellas da la conferenza svizra per agüd social (SKOS). Ulteriuras infuormaziuns as chatta suot www.skos.ch.

Che esa da far scha El/Ella es in üna situaziun d'urgenza e douvra agüd finanzial?

Ch'El/Ella s'annunzcha persunalmaing pro'l Servezzan social regiunal. Là survain El/Ella infuormaziuns davart las fuormalitats necessarias ed ün prüm termin per discuter Sia situaziun finanziala e persunala.