Permiss d’imprender ad ir cul auto / permiss dad ir cul auto

Permiss d'imprender ad ir cul auto / permiss dad ir cul auto

Dumonda per ün permiss d'imprender ad ir cul auto

Ils formulars per la dumonda as poja retrar pro'l servezzan d'abitants o pro l'uffizi da trafic obain implir oura directamaing quia (per plaschair stampar sün palperi alb).

Avant co inoltrar la dumonda es da laschar controllar la vezzüda pro ün optiker autorisà (obain ün meidi). Il reslutat vain inscrit directamaing sül formular per la dumonda. Quista controlla nu fa dabsögn scha El/Ella ha fingià ün permiss d'ün'otra categoria, e l'examen correspundent nun es amo passà 2 ons.

Ils allegats necessaris sun manzunats sül formular per la dumonda.


Barattar il permiss blau

Chi chi voul barattar il permiss dad ir cul auto blau cun ün permiss in fuorma da carta da credit po retrar il formular per la dumonda pro'l servezzan d'abitants o pro l'uffizi da trafic. Id es eir pussibel da til implir oura directamaing quia (p.pl. stampar sün palperi alb). 

Il formular es da suottascriver cun culur naira. Plünavant es da tachar sül lö previs üna fotografia da pass in culur. In seguit es da trametter il formular insembel cul permiss blau a l'uffizi da trafic (adressa: Strassenverkehrsamt, Postfach, 7001 Chur). In cas chi vess müdà il nom e/o il lö d'origin sto gnir agiunta eir üna copcha da la carta d'identità. Schi nun es pussibel da prodüer il nouv permiss a temp ütil schi vain tramiss inavo il permiss blau cun ün termin da scadenza. Subit ch'El/Ella ha surgnü il nouv permiss schi perdan tuot ils permiss da fin qua lur vigur.

www.stva.gr.ch