Passaport / carta d'identità

Passaport / Carta d'identità

La Svizra es obliada daspö ils 1. marz 2011 da far l'uschedit passaport E / passaport 10 (infuormaziuns plü detagliadas da l'administraziun federala as chatta quia). Quist pass as survain be pro'ls centers regiunals per documainta d'identità. Per nos cumün es quai il center a Zernez.

Regionales Ausweiszentrum
Gemeindehaus
7530 Zernez
Telefon 081 851 44 44

Urari d'avertüra:
Lündeschdi fin venderdi 08:00 fin 11:30 e 14:00 fin 17:00.

I nu fa dabsögn da tour cun sai üna fotografia, quella vain fatta directamaing aint il center a Zernez.

Validità / Predsch

Creschüts sur 18 ons
10 ons
CHF 145.00 (incl. porto)
Uffants e giuvenils fin 18 ons   5 ons   CHF 65.00 (incl. porto)


Temp da furniziun:
Il passaport vain furni il plü tard 10 dis davo la registraziun da las datas biometricas.

Far ün passaport svizzer provisoric

Scha'l temp nu basta per dumandar ün passaport ordinari, as poja dumandar pro'l servezzan d'abitants dal domicil ün passaport provisoric. In basa a quista dumonda fa l'uffizi chantunal per passaports infra cuort temp ün passaport provisoric. Quel sto gnir retrat persunalmaing.

In cas fich urgiaints as poja dumandar ün passaport provisoric als eroports da Turich, Ginevra, Basilea e Lugano.

Validità / Predsch

Creschüts ed uffants                             1 on                 CHF 105.00 (incl. porto)

Far üna carta d'identità svizra

La carta d'identità as poja retrar sco fin qua pro no. Ch'El/Ella s'annunzcha persunalmaing al fanestrigl pro'l servezzan d'abitants, per cha no possan implir oura e laschar suottascriver il formular da dumonda.

Id es da tour cun sai la seguainta documainta:

  • üna fotografia da pass actuala (fatta il plü bod avant ün on)
  • la carta d'identità veglia (sch'üna tala es avant man)

Validità / Predsch

Creschüts sur 18 ons
10 ons
CHF 70.00 (incl. porto)
Uffants e giuvenils fin 18 ons 5 ons CHF 35.00 (incl. porto)


Passaport e carta d'identità in cumbinaziun

I dà la pussibiltà da postar pro'l center a Zernez al listess mumaint il passaport svizzer e la carta d'identità per ün predsch plü favuraivel.

Validità / Predsch

Creschüts sur 18 ons
10 ons
CHF 138.00 (incl. porto)
Uffants e giuvenils fin 18 ons 5 ons CHF 73.00 (incl. porto)


Pers ün documaint – che far?

La perdita d'ün documaint (passaport o carta d'identità) sto gnir annunzchada subit pro la pulizia locala dal domicil. Cull'annunzcha da perdita as poja dumandar pro'l servezzan d'abitants ün nouv documaint.

Ün documaint annunzchà sco pers vain declerà invalid e nu das-cha plü gnir dovrà. Sch'el vain darcheu chattà sto'l gnir dat giò ad ün'autorità cumpetenta per far tals documaints.


Links:

Identitätskarte und Pass